"Автоматтандыру және ақпараттық технологиялар" кафедрасының оқытушылары Жылқыбаев Т.С. және Советбаев Е.Р. Huazhong University of Science and Technology (Ухань қаласы, Хубэй провинциясы, ҚХР) базасында 2026 жылдың 20 қаңтары мен 4 ақпаны аралығында өткен "China-Central Asia Advanced Computing Training Program" халықаралық біліктілікті арттыру бағдарламасы бойынша оқуды сәтті аяқтады.
Бағдарлама жоғары өнімді есептеулер, заманауи цифрлық технологиялар және есептеу инфрақұрылымын дамытудың перспективалық бағыттары саласындағы құзыреттерді дамытуға бағытталған. Оқу барысында қатысушылар озық ғылыми-техникалық шешімдермен, үлкен деректерді өңдеудің заманауи тәсілдерімен, жоғары өнімді есептеулермен және инженерлік кадрларды даярлаудың халықаралық тәжірибесімен танысты.

Оқу аяқталғаннан кейін қатысушыларға Хуачжун ғылым және технология университетінің біліктілікті арттыру бағдарламасын аяқтағаны туралы сертификаттары, сондай-ақ Қытай Халық Республикасының Ғылым және технология министрлігінің халықаралық бағдарламаны табысты меңгергенін растайтын сертификаттары берілді.